Hyseni: Restaurimi i objektit të ish-teknikës popullore synon të ruajë trashëgiminë historike dhe arkitekturore të qytetit

“Po vazhdojnë punimet në restaurimin e ish-objektit të Teknikës Popullore në Gjilan, e të cilat janë përfundim e sipër. Punimet po zhvillohen, duke ruajtur trashëgiminë historike e arkitekturore për brezat e ardhshëm’, ka thënë kryetari i Komunës së Gjilanit, Alban Hyseni.

Sipas tij, objekti i ish-teknikës popullore, po restaurohet me një investim prej 200,000 eurosh nga Ministria e Kulturës, Rinisë dhe Sportit.

“Ky projekt synon të ruajë trashëgiminë historike dhe arkitekturore të qytetit, duke e përcjellë atë te brezat e ardhshëm”, tha kryetari Hyseni.

Ky objekt i ndërtuar rreth viteve 1934–1935, ka qenë e institucioneve shtetërore dhe hapësirë e aktiviteteve kulturore të qytetit, ku në vitin 1971 nisi transmetimin edhe Radio Gjilani. /2LONLINE/