Hyseni: Punimet në rrugën “Hamdi Kurteshi”, po ecin mirë
“Punimet në rrugën “Hamdi Kurteshi”, po vazhdojnë drejt finalizimit”, thonë drejtuesit e Komunës së Gjilanit.
Për të parë ecurinë e punimeve ishte edhe kryetari i Komunës së Gjilanit, Alban Hyseni.
“Rruga “Hamdi Kurteshi”, po finalizohet. Punimet po ecin jashtëzakonisht mirë dhe së shpejti do të realizohet rrethrrotullimi, për të vazhduar me shtresën finale të asfaltit”, tha kreu i Gjilanit, Alban Hyseni.
Kryetari i Gjilanit, theksoi se ky projekt është një hap i madh drejt një qarkullimi më të lehtë dhe një infrastrukture më moderne për Gjilanin që duam. /2LONLINE/