Hyseni: Për siguri më të madhe për banorët dhe mbrojtje nga vërshimet po vazhdon pastrimi i kanalit të Kufcës

“Në vazhdën e angazhimit tonë për një Gjilan më të pastër, si dhe për siguri më të madhe për banorët dhe mbrojtje nga vërshimet, po vazhdon pastrimi i kanalit të Kufcës, në fshatin Kufcë e Poshtme”, ka bërë me dije, kreu i Komunës së Gjilanit, Alban Hyseni.

Hyseni ka shtuar tutje se me një gjatësi 800 metra, ky kanal që e kanë hapur gjatë mandatit të parë, e që shumë shpesh, e sidomos gjatë reshjeve është bërë problematike për banorët po merr pamje tjetër.

“Do të vazhdojmë bashkë të angazhohemi që çdo pjesë e komunës tonë të jetë e pastër dhe e gjelbër, andaj ju bëjmë edhe njëherë thirrje qytetarëve që të jenë më të kujdesshëm dhe të mos ndotin ambientin”, ka thënë i pari i Gjilanit.  /2LONLINE/