Hyseni: Për organizatat e dala nga lufta, kemi siguruar mbështetjen më të madhe ndonjëherë

“Të gjitha organizatat e dala nga lufta e Ushtrisë Çlirimtare të Kosovës, kanë mbështetje nga Komuna e Gjilanit”, thotë kryetari i Komunës së Gjilanit, Alban Hyseni.

Ai tha se në mandatin e parë, vetëm për organizatat e dala nga lufta, përmes thirrjes së veçantë kanë siguruar mbështetjen më të madhe ndonjëherë.

“Janë përkrahur të gjitha organizatat për programin e tyre vjetor, një obligim i madh që e kemi marrë dhe po e përmbushim me përkushtim”, tha Alban Hyseni.

I pari i Gjilanit, theksoi se vazhdojnë me mbështetje edhe më të madhe për ta nderuar sakrificën dhe kontributin e tyre. /2LONLINE/