Hyseni: Për herë të parë komuna mbështet klubet dhe u lehtëson një pjesë të barrës financiare

“Komuna e Gjilanit, po vazhdon mbështetjen e sportit në zhvillimin e saj. Për herën e parë komuna ka mbështetur klubet e futbollit Gjilani dhe Drita që përgatitjet t’i realizojnë në Antalya”, thotë kryetari i Komunës së Gjilanit, Alban Hyseni, i cili në Antalya vizitoi FC Dritën dhe SC Gjilanin, të cilët ndodhen në fazën përgatitore.

“Kjo është hera e parë që komuna mbështet klubet dhe u lehtëson një pjesë të barrës financiare”, tha Hyseni.

I pari Komunës së Gjilanit, tregoi se janë të përkushtuar të punojnë për zhvillimin e sportit në përgjithësi dhe futbollit në veçanti.

“Pavarësisht pengesave, inateve dhe barrierave që na dalin përpara, ne do të vazhdojmë”, tha kryetari Alban Hyseni. /2LONLINE/