Hyseni: NPL Tregu, storie suksesi

“Sot vizitova Shoqatën Sindikale të Punëtorëve të NPL “Tregu” në Gjilan, ku u takova me kryetarin Nexhat Veseli. Diskutuam për përmirësimet e arritura, kalimin e punëtorëve nga kompanitë private në ndërmarrjen publike dhe rëndësinë e themelimit të sindikatës për mbrojtjen e të drejtave të tyre”, ka thënë Alban Hyseni, kryetar i komunës së Gjilanit.

Ai shtoi se kur mori mandatin, ndërmarrja kishte vetëm 12 punëtorë dhe 37 mijë euro humbje në vit. Sot ka mbi 300 punëtorë dhe mbi 100 mijë euro fitime. Po ashtu, pagat janë dyfishuar, nga 200–252 euro në 400–423 euro.

“Falënderoj Shoqatën Sindikale për bashkëpunimin dhe angazhimin për të garantuar kushte më të mira pune për punëtorët tanë”, ka thënë, kryetari Hyseni.  /2LONLINE/