Hyseni: Në Livoç po bëhen investime të rëndësishme duke përfshirë asfaltimin e rrugëve dhe lidhjen në kanalizim

“Investime nga Komuna e Gjilanit, janë duke u realizuar edhe në fshatin Livoç”, ka thënë kryetari i Komunës së Gjilanit Alban Hyseni, i cili i ka parë nga afër punimet të cilat po kryhen në infrastrukturën rrugore të këtij fshati.

Sipas tij, pos rregullimit të rrugëve, po bëhet edhe lidhja në kanalizim.

Hyseni tregoi se ndërkohë, në Livoç të Epërm, puna është duke vazhduar me intensitet. Ky është një fshat ku po bëhen investime të rëndësishme, duke përfshirë asfaltimin e rrugëve dhe lidhjen në kanalizim, një problem i madh i banorëve të këtij fshati.

I pari i Gjilanit, theksoi se derisa, po vazhdon puna për asfaltim të rrugës edhe në Lagjen e Muhaxherëve, që lidh Livoçin e Epërm dhe atë të Poshtëm.

“Projekte të tilla janë një dëshmi e angazhimit tonë për përmirësimin e kushteve të jetesës dhe zhvillimin e qëndrueshëm të komunës sonë”, tha kryetari i Gjilanit, Alban Hyseni. /2LONLINE/