Hyseni: Mbi 1.5 milion euro mbështetje për artistët, sportistët dhe të rinjtë

“Mbështetje e madhe nga Komuna e Gjilanit, është dhënë viteve të fundit për artistët, sportistët dhe të rinjtë”, ka thënë Alban Hyseni, kryetari i Komunës së Gjilanit.

Ai tha se në mandatin e parë, për kulturë, rini dhe sport kanë hapur 20 thirrje publike, duke ndarë mbi 1.5 milion euro mbështetje.

“Artistët, sportistët dhe të rinjtë e Gjilanit asnjëherë më parë nuk kanë pasur një përkrahje të tillë”, tha Alban Hyseni.

I pari i Gjilanit, thotë se do të vazhdojnë me mbështetje edhe më të madhe, sepse kultura, rinia dhe sporti janë identiteti i Gjilanit tonë. /2LONLINE/