Hyseni: Lugina e Preshevës ka nevojë për unitet dhe vendosmëri më shumë se kurrë
“Lugina e Preshevës ka nevojë për unitet dhe vendosmëri më shumë se kurrë. Zgjedhjet e nesërme parlamentare janë mundësia jonë për të mos lejuar heshtjen e zërit shqiptar dhe për të garantuar përfaqësim dinjitoz”, ka thënë Alban Hyseni, kryetar i Komunës së Gjilanit.
Ai ka theksuar se nga Gjilani dhe nga çdo anë ku rrahin zemrat shqiptare, mbështetja shkon plotësisht për “Koalicionin Shqiptar”.
“Ftoj secilin prej jush që nesër të shfrytëzojë të drejtën e votës. Pjesëmarrja masive është përgjigjja më e mirë dhe rruga e vetme për të mbrojtur të drejtat tona legjitime. Voto Koalicionin Shqiptar”, u shpreh kryetari iGjilanit, Alban Hyseni. /2LONLINE/