Hyseni: Komuna e Gjilanit fillon me inseminimin artificial dhe vaksinimin e kafshëve

“Sektori blegtoral, po vazhdon të fuqizohet edhe më shumë në Komunën e Gjilanit. 2.8 milionë euro investime në bujqësi janë bërë vetëm për 3 vjet”, thekson Alban hyseni, kryetar i Komunës së Gjilanit

Ai bënë të ditur se Drejtoria për Bujqësi, ka hapur thirrjen për subvencionimin e vaksinimit dhe inseminimit të kafshëve.

Sipas të parit të komunës, kjo po bëhet me qëllim të ndihmës për fermerët në përmirësimin e shëndetit të kafshëve dhe rritjen e cilësisë së racave.

Subvencioni mbulon kostot për vaksinim dhe inseminim artificial, në bashkëpunim me veterinarë të licencuar.

Kryetari Hyseni, tha se 2.8 milionë euro investime në bujqësi janë vetëm për 3 vjet.

Sipas tij inseminimi artificial dhe vaksinimi i kafshëve, është projekt i ri që ndihmon fermerët tanë në rritjen e produktivitetit dhe parandalimin e sëmundjeve.

“Bujqësia vazhdon të jetë shtyllë kryesore e qeverisjes sonë”, tha kryetari Alban Hyseni. /2LONLINE/