Hyseni: Kompleksi i varrezave të dëshmorëve bëhet me rrugë të re

“Po vazhdojnë punimet për ndërtimin e rrugës së re, te kompleksi i varrezave të dëshmorëve në Gjilan. Kjo rrugë do të jetë 194 metra e gjatë me gjerësi 5 metra dhe me trotuar për këmbësorët”, njoftojnë drejtuesit e komunës së Gjilanit.

 Sipas tyre, kjo po bëhet me qëllim që qytetarëve t’iu lehtësohet lëvizja e vajtje-ardhjes nga qendra e qytetit te Kodra e Dëshmorëve dhe rruga qarkore.

 E, kryetari i Komunës së Gjilanit Alban Hyseni, ka parë nga afër punimet të cilat po zhvillohen atje, duke thënë se, vizitën e filluan te Kodra e Dëshmorëve, ku po ndërtohet rruga që do ta lidhë këtë zonë me rrugën qarkore, në lagjen e 8-të.

“Po punohet gjithashtu për ndërtimin e murit mbrojtës, një kërkesë e banorëve të zonës”, tha  kryetari Hyseni. /2LONLINE/