Hyseni: Kënaqësi të prisja në takim kampionët gjilanas që na bënë krenarë në Kampionatin Evropian

“Kisha kënaqësinë të pres në takim tre kampionët tanë gjilanas që na bënë krenarë në Kampionatin Evropian, karateistët: Fortesa Orana, Vlera Qerimi dhe Betim Maliqi”, ka thënë kryetari i Komunës së Gjilanit, Alban Hyseni.

I pari i Gjilanit theksoi se me medaljet e tyre, këta kampionë, nderuan Gjilanin dhe Kosovën në arenën ndërkombëtare.

“Jemi të lumtur që si komunë i kemi mbështetur financiarisht për garat përgatitore drejt Kampionatit Botëror – dhe do të vazhdojmë t’i përkrahim në çdo hap. Faleminderit kampionë”, ka thënë kryetari Hyseni.  /2LONLINE/