Hyseni: Kanë nisur punimet për asfaltimin e rrugëve në Miresh
Kanë nisur punimet për ndërtimin e shtatë rrugëve në fshatin Miresh, ku jetojnë qytetarë të komunitetit turk.
Kryetari i Komunës së Gjilanit Alban Hyseni, bashkë me nënkryetarin Kadir Hyseini, kanë parë nga afër nisjen e punimeve për asfaltimin e tri rrugëve në fshatin Miresh, përkatësisht për nevojat e komunitetit turk, derisa edhe katër rrugë të tjera pritet të nisin punimet për asfaltim, së shpejti.
Nënkryetari Kadir Hyseini dhe banorët e komunitetit turk falënderuan kryetarin për mbështetjen që u jep, posaçërisht në realizmin e projekteve të cilat ndikojnë në lehtësimin e jetës s tyre.
Nga ana tjetër kryetari Hyseni, ka premtuar se pos këtyre rrugëve do të realizohen edhe projekte tjera për këta banorë. /2LONLINE/