Hyseni: Jam i vendosur që sporti të vazhdojë të ketë vëmendje të posaçme edhe gjatë mandatit të dytë

“Sporti ishte tema kryesore e takimit me kandidaten e listës sonë fituese për Asamble, Fortesa Orana, dhe me familjen e saj, ku i pranishëm ishte edhe nënkryetari i Lëvizjes Vetëvendosje  në Gjilan, Luan Aliu”, ka thënë Alban Hyseni, kandidati i Lëvizjes Vetëvendosje, për kryetar të Komunës së Gjilanit.

Ai tha se medaljet dhe sukseset që Fortesa ia ka sjellë vendit tonë janë shumë më tepër se arritje personale – ato janë krenari për të gjithë Gjilanin.

“Jam i vendosur që sporti të vazhdojë të ketë vëmendje të posaçme edhe gjatë mandatit të dytë, ashtu siç ka pasur përgjatë këtyre katër viteve”, ka thënë Alban Hyseni.