Hyseni: Gjilani po vazhdon me programin e praktikës për nxënës dhe studentë

Kryetari i Komunës së Gjilanit, Alban Hyseni ka thënë se për të tretin vit me radhë, Komuna e Gjilanit po e vazhdon programin e praktikës për nxënës dhe studentë.

“Sot pata kënaqësinë t’i vizitoj 100 të rinjtë e të rejat që po zhvillojnë praktikën në drejtoritë e Komunës, ku po njihen nga afër me punën e administratës komunale dhe po fitojnë përvojë profesionale”, ka thënë Hyseni.

Sipas të parit të Gjilanit, ky program është një mundësi e rëndësishme për zhvillimin e shkathtësive të tyre dhe një urë mes arsimimit dhe tregut të punës.

“Të gjithë praktikantëve u uroj suksese dhe një përvojë sa më të vlefshme”, ka thënë kryetari Hyseni.  /2LONLINE/