Hyseni: Gjilani, njësoj si kryeqyteti po përballet me problemin e buxhetit të pa miratuar

Kryetari i Komunës së Gjilanit Alban Hyseni, ka sqaruar për çështjen e buxhetit duke thënë se edhe Gjilani, njësoj si kryeqyteti, po përballet me problemin e buxhetit të pa miratuar.

“Por mënyra jonë e menaxhimit ka qenë krejt tjetër. Ne kemi respektuar plotësisht legjislacionin dhe nuk kemi hyrë në obligime pa mbulesë financiare”, thotë Hyseni.

I pari i Gjilanit, thekson se mungesa e buxhetit të miratuar dhe operimi me 1/12 e buxhetit të vitit paraprak ka qenë dhe vazhdon të jetë mjaft sfidues.

“Megjithatë, shumë shpejt do të thërrasim seancën konstitutive dhe do të votojmë edhe bartjen e mjeteve vetanake për t’i mbuluar obligimet ekzistuese”, thotë i pari i Komunës së Gjilanit, Alban Hyseni.  /2LONLINE/