Hyseni falenderon qytetarët, aktivistët si dhe përkrahësit që e votuan në zgjedhjet e  12 tetorit

Alban Hyseni, që në zgjedhjet e 12 tetorit, ishte kandidati i Lëvizjes Vetëvendosje, për kryetar të Komunës së Gjilanit, duke e kërkuar mandatin e dytë, përmes një postimi iu është drejtuar qytetarëve të Gjilanit, aktivistëve të Lëvizjes Vetëvendosje dhe të gjithë përkrahësve që e votuan atë më datë 12 tetor.

“Falënderoj nga zemra secilin prej jush për mbështetjen e madhe gjatë katër viteve të mandatit tonë të parë, e gjithashtu edhe për një fushatë fantastike, dinjitoze, pa ofendime dhe me shumë takime në çdo lagje e fshat të Gjilanit tonë”, ka thënë Hyseni

Ja postimi i tij i plotë:

Të dashur qytetarë të Gjilanit, aktivistë të Lëvizjes VETËVENDOSJE dhe të gjithë ju përkrahës që na votuat masivisht më datë 12 tetor.

Falënderoj nga zemra secilin prej jush për mbështetjen e madhe gjatë katër viteve të mandatit tonë të parë, e gjithashtu edhe për një fushatë fantastike, dinjitoze, pa ofendime dhe me shumë takime në çdo lagje e fshat të Gjilanit tonë.

Përkrahja e madhe nga qytetarët e vendit tim dhe mërgata që na ka votuar përmes postës, dhe duke ardhur në Kosovë ditën e zgjedhjeve, është nder e përgjegjësi e madhe për mua dhe Lëvizjen.

Punë të mëdha na presin, andaj mobilizimi ynë është fuqia e madhe që ka triumfuar në secilën garë, e me të njëjtin intensitet do të vazhdojmë edhe më tutje BASHKË me secilin prej jush.

Faleminderit nga zemra.

Vazhdojmë BASHKË!