Hyseni e Kurti do ta bëjnë sot prezantimin e projektit “Bulevardi i Qytetit”

Komuna e Gjilanit, përmes Zyrës për Informim ka bërë me dije e sot do të bëhet prezantimi i projektit të “Bulevardit të Qytetit” në vlerë prej 18 milionë euro. Në njoftim bëhet e ditur se në këtë ceremoni pos kryetarit të Komunës së Gjilanit, Alban Hyseni, do të jetë prezent edhe kryeministri i Kosovës, Albin Kurti.

Referuar kësaj ceremonie, Kryetari i Komunës së Gjilanit, Alban Hyseni ka thënë se po e nisin mbarë këtë javë e këtë muaj, me një ditë të madhe për qytetin tonë.

“Sot fillojmë projektin më të madh kapital të Komunës së Gjilanit, Bulevardin e Qytetit, me vlerë 18 milionë €. Në të njëjtën kohë nisin edhe 6 projekte të tjera të rëndësishme, me investim prej 3.3 milionë €, që do t’i japin Gjilanit një zhvillim të ri”, ka thënë i pari i Komunës, Alban Hyseni.

Edhe ai bëri me dije se në këtë ngjarje  që e cilësoi si madhore do të jetë prezent edhe Kryeministri i Republikës së Kosovës, Albin Kurti.

“Secilin projekt po e bëjmë realitet, e bashkë me të edhe ndryshimin e madh për Gjilanin që duam”, ka thënë  i pari i Gjilanit, Alban Hyseni. /2LONLINE/