Hyseni: Drejt përgatitjes së kuadrove të aftë për tregun e punës
“Sektori i arsimit në Komunën e Gjilanit, vazhdon të shënon rezultate në përgatitjen e kuadrove për punë, pas investimeve të cilat po bëhen në këtë fushë”, thotë kryetari i Komunës së Gjilanit, Alban Hyseni, sipas të cilit, janë drejt përgatitjes së kuadrove të aftë për tregun e punës.
Sipas tij kabineti i Shkollës Teknike “Mehmet Isai” është pajisur me teknologji moderne si makinat CNC dhe printerët 3D, falë bashkëpunimit mes Komunës së Gjilanit dhe bashkëvendësve tanë ndërmarrës nga Turqia.
“Investim mbi 700.000 euro për avancimin e arsimit profesional. Përveç teknologjisë së avancuar, Komuna e Gjilanit, kujdeset edhe për mirëqenien dhe zhvillimin profesional të nxënësve me sigurim shëndetësor për praktikat jashtë shkollës dhe subvencion prej 1000 euro në vit akademik”, tha kryetari i Gjilanit, Alban Hyseni. /2LONLINE/