Hyseni: Detyrë e jona si institucione është ta dokumentojmë dhe zbardhim Masakrën e Llashticës dhe kriminelet të vihen para drejtësisë

“Ne bëmë homazhe pranë varreve të viktimave të Masakrës së Llashticës dhe ishim në hapjen e Ekspozitës me fotografi dokumentuese nga Masakra, fotografi të pa publikuara më parë.

Detyrë e jona si institucione është ta dokumentojmë dhe zbardhim Masakrën e Llashticës dhe kriminelet të vihen para drejtësisë|, ka shkruar në profilin e tij, Alban Hyseni, kryetari i Komunës së Gjilanit.

Postimi  i plotë:

Viti 1999 ishte vit i vështirë, i gjithë vendi ishte i përfshirë në luftë.

Popullata civile ishte e pambrojtur edhe për faktin se ushtarakisht nuk ishim të barabartë me armikun, andaj viktimat ishin kryesisht civile.

Ditën e 30 prillit te vitit 1999, në Llashticë forcat serbe sulmuan banorët. Ata së pari i vranë, më pas dogjën kufomat, rrënuan shtëpinë dhe viktimat u varrosën në gërmadhat e shtëpisë së tyre.

Ajo që dikur ishte streha e tyre e sigurt, u bë varri. Ata u varrosën në vendin ku jetuan, aty ku përjetuan gëzimin e hidhërimin, aty ku dikur lindi jeta u bë morti.

Të mbijetuarit rrëfejnë për tmerrin që përjetuan gjersa familjarët e tyre vriteshin, digjeshin dhe varroseshin para syve të tyre.

Ne bëmë homazhe pranë varreve të viktimave të Masakrës së Llashticës dhe ishim në hapjen e Ekspozitës me fotografi dokumentuese nga Masakra, fotografi të pa publikuara më parë.

Detyrë e jona si institucione është ta dokumentojmë dhe zbardhim Masakrën e Llashticës dhe kriminelet të vihen para drejtësisë.

Lavdi të rënëve të Masakrës së Llashticës.