Hyseni: Dështon votimi i komisionit për përzgjedhjen e drejtorëve të shkollave

“Për herë të dytë radhazi, Kuvendi Komunal, në mbledhjen e saj nuk votoi për futjen në rend të ditës dhe as në votim propozimin e Drejtorisë Arsimit, për emërimin e komisionit për përzgjedhjen e drejtorëve dhe zëvendësdrejtorëve të shkollave”, thotë kryetari i Komunës së Gjilanit, Alban Hyseni.

Hyseni tha se ka dështuar, për të dytën herë, votimi për themelimin e komisionit për përzgjedhjen e drejtorëve të shkollave dhe se, sipas tij, mandatet e drejtorëve aktual, skadojnë më 13 qershor, transmeton 2LONLINE.com.

Komisioni i propozuar tash e dy muaj, ka këta anëtarë: Arsim Bejtullahu – drejtor në SHFMU “Abaz Ajeti”. Luan Kastrati – zyrtar në DKA. Një përfaqësues i propozuar nga MAShTI.

“Kam shpresuar shumë në reflektim të shpejtë për të mos bllokuar procesin jetik për shkollat”, ka thënë kryetari Hyseni. /2LONLINE/