Hyseni: Cernica po bëhet me ndriçim publik, po krijohet një mjedis më i sigurt

“Po vazhdojnë investimet në zgjerimin e ndriçimit publik në Komunën e Gjilanit. Tashmë punimet janë duke u realizuar në fshatin Cernicë, ku dhe ku lokalitet do të ketë rreth 4 kilometra ndriçim publik, ka thënë kryetari i Komunës së Gjilanit, Alban Hyseni.

Ai tha se ky projekt i cili po shkon drejt finalizimit po vlerësohet tejet i rëndësishëm për banorët e kësaj ane.

Për të parë nga afër punimet të cilat po realizohen në këtë fshat, ka dalë edhe kryetari i Alban Hyseni, bashkë me drejtorin e Shërbimeve Publike, Kushtrim Ibrahimin.

Kryetari i Komunës së Gjilanit, tha se realizimi i projektit të ndriçimit publik në fshatin Cernicë, po ecën me sukses të plotë.

“Me një gjatësi prej 4 kilometrash dhe një vlerë investimi prej 130 mijë eurosh, ndriçimi publik krijon një mjedis më të sigurt për të gjithë”, tha kryetari Alban Hyseni. /2LONLINE/