Hyseni: 51 nënshkrime u finalizuan sot për 51 përfitues të Fondit për Ndërmarrësi

Kreu i Komunës së Gjilanit, Alban Hyseni ka bërë me dije se janë +181,251.76€ që shpërndahen nga Fondi për Ndërmarrësi, transmeton Portali 2LONLINE.com.

Sipas të parit të komunës, janë 51 nënshkrime që u finalizuan sot për 51 përfitues të Fondit për Ndërmarrësi, një nga nismat më të suksesshme në nivel lokal në gjithë Kosovën, e dedikuar për të rinjtë dhe gratë e komunës së Gjilanit.

“Fondi për Ndërmarrësi është një nga nismat dhe premtimet tona të realizuara që nga fillimi i mandatit që do të vazhdojë me sukses edhe gjatë katër viteve të ardhshme të qeverisjes sonë. Shumë suksese të gjithëve”, ka thënë kryetari Hyseni.  /2LONLINE/