Huruglica viziton ASK-në në Gjilan, theksohet roli i statistikave në vendimmarrje

Drejtori i Drejtorisë për Zhvillim Ekonomik, në Komunën e Gjilanit, Haki Huruglica, ka vizituar Zyrën Rajonale të Agjencisë së Statistikave të Kosovës (ASK) në Gjilan, ku u takua me udhëheqësin e saj, Afrim Dermaku.

Gjatë takimit u diskutua rëndësia e të dhënave statistikore të sakta dhe të besueshme në pasqyrimin e gjendjes ekonomike, sociale dhe demografike, si dhe roli i tyre në planifikimin e qëndrueshëm në nivel lokal.

Palët theksuan nevojën për forcimin e bashkëpunimit ndërinstitucional, me qëllim sigurimin e të dhënave më cilësore dhe më të përditësuara, të cilat ndikojnë drejtpërdrejt në vendimmarrje më efikase dhe përmirësimin e shërbimeve për qytetarët.