Huruglica: Mbështetja institucionale nuk do të mungojë veçanërisht në përmirësimin e infrastrukturës sportive

Drejtori i Drejtorisë për Zhvillim Ekonomik në Komunën e Gjilanit, Haki Huruglica, është takuar sot me Sekretarin e Përgjithshëm të Ministrisë së Sportit dhe Rinisë, Lendrit Iljazi.

Ai e ka vlerësuar takimi shumë konstruktiv dhe pozitiv, ku diskutuan për zhvillimin dhe avancimin e projekteve sportive në Komunën e Gjilanit.

“U dakorduam për rëndësinë e përfundimit sa më të shpejtë të projekteve të nisura, si dhe për intensifikimin e bashkëpunimit në funksion të realizimit të projekteve të reja. Mbështetja institucionale nuk do të mungojë për Gjilanin, veçanërisht në drejtim të përmirësimit të infrastrukturës sportive, në shërbim e të rinjve dhe komunitetit në përgjithësi”, ka thënë drejtori Haki Huruglica.  /2LONLINE/