Human Appeal International hapi katër puse për shkollat e komunës së Vitisë
Falë bashkëpunimit të mirë të Komunës së Vitisë me Human Appeal International nga Emiratet e Bashkuara Arabe gjatë këtyre ditëve janë hapur katër puse për furnizimin me ujë të shkollave.
Sipas Basri Aliut, Drejtor komunal në Viti, kjo organizatë në vazhdimisht ka ndihmuar këtë komunë .
“Kemi një bashkëpunim të mirë me Human Appeal International të cilët më parë na kanë ndihmuar edhe me pako ushqimore. Kjo organizatë tani na ka ndihmuar edhe në sigurimin e furnizimit me ujë për shkollat duke hapur puse për Gjimnazin “Kuvendi i Lezhës” në Viti si dhe për shkollat fillore të mesme të ulët në fshatrat Sllatinë e Epërme, Radivocjë dhe Ballancë. Për këtë ju jemi shumë mirënjohës kësaj organizate dhe të gjithë donatorëve të saj”, u shpreh drejtori Aliu.
