Hughes: Januzaj, talent i jashtëzakonshëm

Trajneri i Stoke Cityt, Mark Hughes mendon se futbollisti i ri i Manchester Unitedit, Adnan Januzaj, ka nevojë për të mësuar se si t’i përballojë më mirë ndërhyrjet e ashpra në futbollin anglez dhe mendon se Ryan Giggs është njeriu i duhur që mund t’i japë mësim në këtë drejtim.

“Është e tmerrshme ajo çfarë mund të bëjnë kundërshtarët me të aktualisht, duke pasur parasysh se ai është një talent i jashtëzakonshëm. U takon gjyqtarëve ta mbrojnë, kjo është punë e tyre”, ka theksuar Hughes. Megjithatë, ai mendon se Januzaj duhet të mësohet me lojë të tillë të ashpër dhe duhet të mësojë shumë nga Ryan Giggs, i cili po ashtu e nisi karrierën shumë i ri dhe ka përvojë të madhe në këtë drejtim.