“Horizonti – 45 vjet në shërbim të fjalës shqipe përmes enigmës”, – temë kyqe  tryezës

Nga: Rexhep Hasani

/Garat e Enigmatëve dhe Tryezë për enigmatë në Gjilan në kuadër të 45-vjetorit të revistës për enigmatikë, “Horizonti”. (1981-2026), Event ky, në kuadër të Manifestimit mbarëkombëtarë kulturor “Flaka e Janarit 2026″/

 Shoqata e Enigmateve “Ndre Mjeda” e Gjilanit me datë 31 janr 2026, prej orës 12:00, në ambientet e Bibliotekës së Qytetit në Gjilan, do t’i shpallë rezultatet e Garave të Enigmatëve si dhe do ta mbajë tryezën tematike me rastin e shënimit të 45-vjetorit të daljes së revistës së enigmateve “Horizonti” (1981–2026), revistë kjo e para e këtij lloji në gjuhën shqipe.

Tema qendrore e tryezës do të jetë:
“Horizonti – 45 vjet në shërbim të fjalës shqipe përmes enigmës”, ligjërues Dr. Zijadin Hasani, Kryeredaktori revistës.
ku do të trajtohet rrugëtimi historik i revistës, roli i saj në zhvillimin e enigmatikës shqiptare, si dhe kontributi i enigmatëve gjilanas ndër dekada.

Në kuadër të këtij aktiviteti do të mbahen diskutime tematike nga krijues dhe studiues të enigmatikës, ndërsa një pjesë e veçantë e programit do t’i kushtohet shpalljes së më të mirëve në garat enigmatike, konkretisht në:

·         përpilimin e fjalëkryqit, dhe

·         përpilimin e anagramit.

Po ashtu, Shoqata e Enigmateve “Ndre Mjeda” do të ndajë mirënjohje jubileare për kontribuuesit, bashkëpunëtorët dhe mbështetësit e revistës “Horizonti”, të cilët kanë dhënë kontribut të çmuar në ruajtjen dhe zhvillimin e kësaj tradite kulturore.

Tryeza synon të afirmojë vlerat e enigmatikës si pjesë e rëndësishme e kulturës së shkrimit, mendimit dhe gjuhës shqipe, si dhe të nderojë një jubile domethënës për Gjilanin dhe mbarë hapësirën shqiptare. /2LONLINE/