Homazhe pranë varrit të Reshat Sadikut

/2L ONLINE/ – Familjarë, shokë, miq veteranë, bashkëatdhetarë të shumtë në organizim të Këshillit të Fshatit Priboc dhe Shoqatës së të Burgosurve Politik dega në Gjilan, në kuadr të festave të Nëntorit, përkujtuan trevejtorin e ndarjes nga jeta dhe bën homazhe pranë varrit të veteranit të Luftës së Ushtrisë Çlirimtare të Kosovës, veprimtarit dhe atdhetarit të devotshëm, togerit të TMK-së, njeriut i cili tërë jetën ia kushtoi atdheut, lirisë humanizmit, përparimit, tolerancës e bashkimit kombëtar, Reshat Xhemail Sadiku.

Për veptmtarinë atdhetare e humanitare foli Ismet Tafili i cili ndër të tjera tha se që nga shkolla e mesme, atëherë edhe kur u burgos nga kriminelët serbo-sllav, ai nuk e ndali veprimtarinë atdhetare, nuk e ndali përpjekjen për t’u çliruar nga ky armik shekullor. Iu gëzua formimit të UÇK-së, pjesë së të cilës ishte. Pas transformimit të UÇK-së, u sistemua në TMK me gradën Toger e ndihmoi UÇPMB-në. Me shpirtin humanitar që kishte, ndihmoi të gjithë ata që kishin nevojë me të gjitha mundësitë që kishte.

Kujtime nga jeta e veprimtaria e Reshatit solli edhe ish i burgosuri politik Ramadan Dermaku, i cili theksoi se, sot jemi këtu pranë varrit të Reshatit për të bashkëbiseduar me të e për të përkujtuar trevjetorin e vdekjes së tij. Po ashtu tha se punëtoria e tij në Rogaçicë ishte bazë e atdhetarëve, bazë e ilegalëve dhe fitimin që e merrte e ndihmonte luftën iu ndihmonte shokëve e njerëzit që kishin nevojë.

Në emër të familjes, të pranishmit i falënderojë Ramadan Sadiku. Pas homazheve u bën vizita në familjen Sadiku. /2L ONLINE/