Homazhe në Llashticë, nderohen dhe përkujtohen të rënët për lirinë e Kosovës

Kryetari i Partisë Demokratike të Kosovës (PDK), Riad Rashiti, bashkë me bashkëpunëtorë, sot, në përvjetorin e 27-të, nderuan dhe përkujtuan të rënët për lirinë e Kosovës, me homazhet e bëra në varrezat e fshatit Llashticë.

“Masakra e Llashticës mbetet një nga ngjarjet më të dhimbshme të luftës së vitit 1999. Më 13 prill të atij viti, forcat serbe sulmuan fshatin, duke vrarë e masakruar 26 civilë shqiptarë, përfshirë gra, fëmijë dhe të moshuar të pafajshëm”, ka thënë Rashiti.

Ai ka shtuar se kjo tragjedi është dëshmi e vuajtjeve të mëdha të popullit tonë dhe një kujtesë e përhershme për drejtësi, kujtesë dhe mos-harrese.

“Lavdi të përjetshme të rënëve”, ka thënë i pari i PDK-së së Gjilanit.  /2LONLINE/