Historiani gjilanas, Naim Musliu nga sot është bërë pjesë e Federatës Pan-Shqiptare “Vatra” në Shtetet e Bashkuara të Amerikës, me seli qendrore në New York.
Këtë e ka bërë me dije vet Musliu përmes një në profilin e tij, ku edhe ka shpërndarë postimin e faqes zyrtare të Gazetës Dielli.
“Nga sot, edhe zyrtarisht u anëtarësova në Federatën Pan-Shqiptare “Vatra”, në Shtetet e Bashkuara të Amerikës, me seli qendrore në New York. Ku do të vazhdoj, aq sa mundem, të jap kontributin tim profesional e shoqëror në shërbim të çështjes kombëtare. E falënderoj editorin e gazetës “Dielli”, Sokol Pajen, për mbështetjen e vazhdueshme dhe gjithë vatranët për mikpritjen!”, ka shkruar Musliu.
Postimi i faqes zyrtare të Gazetës Dielli
Dr. Naim Musliu iu bashkua Vatrës
Dr. Naim Musliu është anëtari më i ri që iu bashkua Federatës Pan-Shqiptare të Amerikës Vatra. Me rastin e 110 vjetorit të themelimit, ardhja e intelektualëve dhe të rinjve që po i bashkohen Federatës është dhurata më e bukur dhe më e çmuar në këtë 110 vjetor.
Te rinjte jane e ardhmja e Vatres. Intelektualet shqiptare dhe kontributi per çeshtjen kombetare jane vlerat me te qenesishme te Federates Vatra.
Eksperti i historisë Dr. Naim Musliu lindi në Gjilan. Fakultetin e mbaroi në Universitetin e Prishtinës, Dega në Gjilan, drejtimi Histori dhe Edukatë Qytetare, kurse studimet pasdiplomike të magjistratures i përfundoi në Universitetin e Tetovës, në Fakultetin Filozofik, departamentin e Historisë me temë “Roli dhe kontributi i Kazasë së Gjilanit në Lëvizjen Kombëtare Shqiptare (1908 – 1910)”.
Studimet doktorale i mbaroi në Universitetin e Tiranës, Fakultetin e Historisë dhe Filologjisë, departametin e Historisë me temë të desirtacionit : “Fuqitë e Mëdha dhe çështja shqiptare 1875 – 1878”.
Gjatë vitit 2018 – 2020 ishte kryetar i shoqatës së Lidhjes së Historianëve të Kosovës “Ali Hadri”, dega në Gjilan. Ishte bashkëorganizator me shoqatën i dhjetra simpoziumeve, sesioneve e tryezave shkencore.
Ka të botuar edhe shumë punime shkencore dhe mediale.
Vatra i uron mirëseardhjen dhe e falenderon për pjesëmarrje aktive në të gjitha aktivitetet e zhvilluar në muajt e fundit. Vatra rritet çdo ditë, shqiptarizma forcohet çdo ditë.
https://www.facebook.com/DielliNewspaper/photos/a.372630063527034/1162296881227011
