Hidromorava: Pensionohet punëtori i dalluar Shaqir Ramadani – arkëtar

“Pas 26 viteve të shërbimit të përkushtuar, pensionohet punëtori i dalluar Shaqir Ramadani, i cili ka lënë gjurmë të veçanta në rrugëtimin dhe zhvillimin e Kompanisë sonë”, thuhet në njoftimin e KRU “Hidromorava” SH.A – Gjilan

Shaqiri ka dhënë një kontribut të jashtëzakonshëm që nga paslufta, duke filluar në FPU Përlepnicë, për të vazhduar më pas si lexues dhe inkasant, ndërsa në fazën e fundit të karrierës ka ushtruar detyrën e arkëtarit në porto-arkë me përkushtim dhe integritet.

Përkushtimi, profesionalizmi dhe korrektësia e tij do të mbeten shembull frymëzimi për gjeneratat e reja. Shaqiri është vlerësuar gjithmonë si punëtor model, i dashur për kolegët dhe i respektuar për qasjen serioze ndaj punës.

Në emër të Kompanisë Hidromorava, e falënderojmë për kontributin shumëvjeçar dhe i urojmë shëndet, qetësi dhe lumturi në këtë kapitull të ri të jetës pas pensionimit, thuhet në fund të njofitmit. /2LONLINE/