Hidromorava: Njoftim për riparimin e FPU Velekincë dhe ndërprerje të përkohshme të furnizimit me ujë

KRU “Hidromorava” SH.A – Gjilan 

NJOFTIM PËR RIPARIMIN E FPU VELEKINCË DHE NDËRPRERJE TË PËRKOHSHME TË FURNIZIMIT ME UJË

Të nderuar konsumatorë,

Në kuadër të investimeve kapitale për përmirësimin e shërbimeve tona, dhe me mbështetjen e Ministrisë së Ekonomisë, po realizojmë rehabilitimin e FPU Velekincë. Ky projekt përfshin riparimin e puseve, zhvillimin e softuerit, riparimin e pajisjeve elektro-mekanike, dhe përmirësime të tjera të rëndësishme.

Për shkak të punimeve që do të kryhen, do të jetë e nevojshme të ndërpresim furnizimin me ujë në intervale të caktuara gjatë ditëve në vijim, deri më datën 13 shtator 2024.

Kërkojmë mirëkuptimin tuaj për këtë ndërprerje të përkohshme, pasi investimet që po realizohen do të përmirësojnë cilësinë e shërbimeve për të gjithë konsumatorët.

Faleminderit për mirëkuptimin dhe bashkëpunimin tuaj.

Me respekt!

KRU “Hidromorava” SH.A – Gjilan

0800 61 000