Hidromorava me aksion për pastrimin e mbeturinave te Liqeni Akumulues në Përlepnicë

KRU Hidromorava Sh.A shënoi Ditën Botërore të Liqeneve me një aksion simbolik, por shumë domethënës, për pastrimin e mbeturinave te Liqeni Akumulues në Përlepnicë.

Ky aktivitet nuk është vetëm një pastrim i thjeshtë, por një mesazh i fuqishëm për ruajtjen e ambientit dhe përgjegjësinë që kemi secili prej nesh ndaj natyrës . Liqenet janë burim i jetës dhe furnizimit me ujë të pastër, prandaj kujdesi për to është kujdes për shëndetin dhe të ardhmen tonë.

Një falënderim i veçantë shkon për:

Komunën e Gjilanit për mbështetjen,

Gjimnazin “Zenel Hajdini”,

Shkollën Fillore “Skënderbeu” Përlepnicë,

si dhe të gjithë vullnetarët e mrekullueshëm që iu bashkuan këtij aksioni.

Rëndësia e mirëmbajtjes së ambientit rreth Liqenit Akumulues është e madhe, sepse kontribuon në sigurimin e ujit më cilësor dhe të pastër për gjithë qytetarët.

Sa më shumë të investojmë në pastërti dhe kujdes për natyrën, aq më të sigurta janë gjeneratat e ardhshme.

Ftojmë të gjithë qytetarët që të tregojnë kujdes të vazhdueshëm për ambientin, duke mos hedhur mbeturina vend e pavend dhe duke u bërë pjesë e iniciativave të tilla.

Vetëm së bashku mund ta ruajmë pasurinë tonë më të madhe – ujin dhe natyrën.