Hidromorava: Fokusi kryesor i Kompanisë, furnizimi i mjaftueshëm me ujë i të gjithë konsumatorëve

Më 28.10.2024 Bordi i Drejtorëve i KRU “Hidromorava” Sh.A. mbajti takimin e nëntë (IX-të) të rregullt për këtë vit dhe së bashku me Menaxhmentin e Kompanisë u diskutua performanca e Kompanisë dhe furnizimi i rregullt i konsumatorëve me ujë.

Pas analizave dhe diskutimeve, Bordi i Drejtorëve unanimisht aprovoi:

● Raportet e muajve gusht dhe shtator 2024.

● Planin e Biznesit për periudhën 2025 – 2027.

”Gjatë këtyre muajve fokusi kryesor i Kompanisë ishte furnizimi i mjaftueshëm me ujë i të gjithë konsumatorëve në zonën e shërbimit si dhe si përfundim, bashkërisht u vendos që të vazhdohet me përmirësimin e efikasitetit dhe cilësisë së shërbimeve të Kompanisë si dhe realizimin e suksesshëm të projekteve investive të planifikuara për vitin 2024”, thuhet në njoftimin e Kompanisë Hidromorava.  /2LONLINE/