Hidromorava: Aktivitete të ndryshme për të shënuar Ditën Botërore të ujit

Dita Botërore e Ujit 2026 – KRU Hidromorava Sh.A

Më 23.03.2026, KRU Hidromorava Sh.A. shënoi Ditën Botërore të Ujit . Që nga viti 1993, kjo ditë ndërkombëtare thekson rëndësinë e ujit dhe menaxhimin e tij.

Tema për këtë vit është “Gjinia dhe Uji” – duke nxjerrë në pah rolin e grave si shkencëtare, inxhiniere dhe udhëheqëse në sektorin e ujit, dhe jo vetëm si përdoruese të ujit në amvisëri.

Për këtë rast, organizuam:

Shpërndarja e fletushkave edukative në bashkëpunim me nxënësit e gjimnazit

Vizita e nxënëseve të gjimnazit që duan të ndjekin profesione si hidroingjinieri, biokimi, elektroingjinieri. Nxënësve u prezantuam rrugëtimet studimore dhe puna aktuale e stafit tonë

Tryeza diskutimi me stafin – përvojat e grave udhëheqëse, sfidat dhe strategjitë për menaxhimin e ujit

Në përfundim, u theksua rëndësia e bashkëpunimit dhe sensibilizimit të komunitetit për:

Kursimin e ujit

Procedurat e rregullta për lidhjen në rrjetin e ujësjellësit

Mbrojtjen e burimeve ujore dhe natyrës

KRU Hidromorava Sh.A. vazhdon të punojë për një të ardhme të qëndrueshme, ku uji është prioritet për të gjithë qytetarët.  /2LONLINE/