Hetemi ishte profesionist, që si mjek u kujdes për shëndetin e popullatës edhe në kohët më të vështira
Historiani Nazif Laçi: Hetemi ishte profesionist, që si mjek u kujdes për shëndetin e popullatës edhe në kohët më të vështira.
Historiani i njohur nga Vitia, Nazif Laçi, ka shprehur ngushëllime të sinqerta me rastin e ndarjes nga jeta të doktorit, Feti Hetemi, njofton PlusTV.
Laçi ka thënë se Vitia dhe shëndetësia kosovare ka humbur një mjek shembullor, që u kujdes për shendetin e popullatës duke i ofruar ndihmën mjekësore të sëmurëve edhe në kohët më të vështira kur vendi ishte nën okupim.
“Fetihu është ndër mjekët e parë shqiptarë që e filloi punën në Shtëpinë e Shëndetit në Viti, kur i tërë stafi mjeksor dhe teknik ishte serbë dhe aty e kemi ballafaqimin me çetnikët serbë”, ka shkruar Laçi në rrjetin social në “Facebook”.
Laçi ka kujtuar se, gjatë kohës së viteve të 90-ta të shekullit XX dhe gjatë kohës së luftës 1998-1999 me okupatorin serb, dr. Fetihu u gjend me popullin dhe për popullin përherë.
“LAMTUMIRË DR. FETIH HETEMI !
Sot më 19 gusht 2020, mora lamin e hidhur për vdekjen e mjekut të njohur interenistin dhe nefrologu Dr. Feti Hetemin. Padyshim se Vitia dhe shendetësia kosovare ka humbur një mjek shembullor, i cili punoi me përkushtim të madh në mbrotjen e shendetit të popullatës në Moravë të Epërme. Dr. Fetihu do mbahet mend gjatë për profesionalizmin e tij dhe guximin me u ballalfaque me smundjet e ndryshme që paraqiteshin te pacientet. Dr. Fetihu është ndër mjekët e parë shqiptarë që e filloi punën në Shtëpinë e Shëndetit në Viti, kur i tërë stafi mjeksor dhe teknik ishte serbë dhe aty e kemi ballafaqimin me çetnikët serbë.
Gjatë kohës së viteve të 90-ta të shekullit XX dhe gjatë kohës së luftës 1998-1999 me okupatorin serb, dr. Fetihu u gjend me popull dhe për popullin ,duke afruar ndihmën e nevojshme të sëmurëve. Në fund familjarëve të Dr. Fetihut, klegëve dhe qytetarëve të Vitisë i shpprehi ngushllime më të sinqerta dhe zoti e past shperblye me parajs mjekun tontë dashur dr. Fetih Hetemin”, thuhet në letrën e tij, përcjellë PlusTV.
