Heroi i kombit Agim Ramadani kujtohet nga bashkëshortja përmes vargjeve të dedikuara për të

Në përvjetorin e 25-të të rënies së heroit Agim Ramadani – Katana, bashkëshortja e tij, Shukrije Ramadani i ka dedikuar edhe vargje.

Agim Ramadani – Katana,, ishte ndër protagonisët kryesorë të Betejës së Koshares, njëri ndër hartuesit e planit për thyerjen e kufirit shqiptaro-shqiptar, strategu që shkuli gurin e kufirit që ndante shqiptarët.

***

Në përvjetorin tënd të 25
Murana jote jam unë
Rrobat ti palova si dhimbjet e mia,
me lot ti pastrova e gjakun me u tha se lash
Si dritën e syrit, buzëqeshjen ne raftin e shpirtit e ruajta!
Pa lule asnji herë stê erdha, e fjalën dy sta bana kurrë, se si nuse t’fisme e të besës më dashte!
Te dy lisat e kronit qerpiku më dridhet si teli i qiftelisë e zëri yt i ëmbël n’gurgullimë uji përzihet, trupi më mpihet nga pesha e krahut në belin tim.
Era luan me pemët e harlisura e gishterinjë lehtas t’ngatërrohen në flokët e mia plot petale.
Me duart që mi puthje aq shpesh, sot , zgjedhi lule për varrin tënd!
Shpejt mbuloj tokën që mos ta shoh dheun që gjakun ta thithi ma unshëm se unê dashninë!
Me angushti zemre në heshtje këlthas; Ngrihu trimi jem,se bajlozi i zi ende sillet truallit tonë!
Zgjohu,se petka të ngushta po i priten atdheut, eja këtej kah ende tërbueshëm kalërojnë stuhitë!