Heroi Agim Ramadani kujtohet nga bashkëshortja përmes një dedikimi për të, në 26-vjetorin e rënies
Në 26 vjetorin e rënies të Heroit të kombit, Agim Ramadani – Katana, bashkëshortja e tij, Shukrije Ramadani, e ka përkujtuar atë përmes vargjeve të dedikuara për të.
Agim Ramadani – Katana,, ishte ndër protagonistët kryesorë të Betejës së Koshares, njëri ndër hartuesit e planit për thyerjen e kufirit shqiptaro-shqiptar, strategu që shkuli gurin e kufirit që ndante shqiptarët.
Ja postimi i saj i plotë:
Gurëve e gurrave që nga ëndrrat i njihje u ngjite me dashuri! Në secilin lis nji ëndërr e vare, e shkurreve i fshehe kujtimet e buzëqeshjes që ta dridhnin zemrën!
Çdo mëngjes me copë dielli acarin shkrive e me hukamen e zemres mjegullnajën fshive nga ëndrrat që lindnin dritën!
Me sy puthe kreshtat e majave e me plumba lirinë pikturove në trupa ujqësh që coptonin veten mes presë së premtuar!
Duart më ngrinë bashkë me lulet e ruajtura për ty i miri im! Ti su ktheve shtigjeve ku të prisja, ike, fluturove në liri! /2LONLINE/