Heqja e taksës rritë dukshëm qarkullimin drejt Kosovës

Heqja e taksës për policën e sigurimit për veturat e Luginës ka bërë që një numër i madh i qytetarëve  shqiptarë të kësaj ane këtë fundjavë ta kalojnë në Kosovë.

Pas afro dy viteve në pikën kufitare Dheu i Bardhë-Konçul janë kthyer kolonat me veturat e qytetarëve të Luginës.

Kjo fundjavë ka regjistruar një fluks të madh të veturave, në mesin e të cilave kishte edhe prej atyre që për herë të parë, që nga vendosja e taksës, kalojnë kufirin me makinën e tyre.

“Jemi duke pritur në kolonë për të hyrë në Kosovë. Do të shkojmë në Gjilan për të vizituar të afërmit dhe për të blerë artikuj ushqimor në markete ” i tha Titullit, Nehat A. i cili me makinën e tij Golf 2, pas gati dy viteve, po shkelte sërish tokën kosovare.

Ndërsa, Sabedini nga komuna e Bujanocit tha se procedura për të kaluar kufirin është e njëjtë, vetëm se tash nuk ka paguar për policën e sigurimit, e cila është valide për dy javë.

Taksa për policë të sigurimit për veturat me targa të Luginës që kanë pronarë shqiptarët, është hequr që nga 21 tetori me vendimin e Qeverisë së Kosovës