Përfaqësuesja e Kosovës në hendboll, sonte në kryeqytet luan sfidën kundër Italisë, takim ky i vlefshëm për kualifikueset për EURO 2018.
Përfaqësuesja jonë nën drejtimin e përzgjedhësit Alfred Llazari ka disa ditë që kanë zhvilluar përgatitje intensive për këtë ndeshje të rëndësishme.
Kosova në duel me Italinë synon fitoren e parë kualifikuese. Kreu i bankinës së përfaqësues sonë, Alfred Llazari e mendon të vështirë përballjen me italianët, por ai është optimist se skuadra e tij mund ta mposht Italinë.
“Sigurisht se do të jetë një ndeshje e vështirë. Ne jemi përgatitur maksimalisht për këtë takim. Ne e njohim mirë kundërshtarin tonë pasi kemi shikuar edhe disa ndeshje të tyre. Besoj se do të arrijmë fitoren e parë pikërisht kundër Italisë”, ka thënë Llazari.
Edhe homologu i Llazarit, kroati Fredi Radojkoviq kërkon fitore kundër Kosovës. Ai thotë së në Kosovë kanë ardhur për fitore.
“Ne luajmë ndeshjen e parë eliminatore. Nuk do të jetë lehtë, sepse Kosova kërkon fitoren e parë në arenën ndërkombëtare, megjithatë, ne futemi në ndeshje për të fituar”, tha Radojkoviq.
Kosova luan ndeshjen e tretë kualifikuese, derisa është mposhtur në dy ndeshjet e para kundër Rumanisë. Ndeshja fillon në orën 19:30.
http://www.rtklive.com/?id=5&r=28810