(2L ONLINE) – Kreu i Komunës së Gjilanit Lutfi Haziri e ka vlerësuar si lajm të mirë pranimin Federatës së Hendbollit të Kosovës me të drejta të plota si anëtarja e 50-të në Federatën Ndërkombëtare të Hendbollit (EHF), në ndërkohë që meritat për këtë arritje ia ka atribuuar ndër tjerash edhe Mexhit Devajës, i cili dha kontribut të madh në ndërkombëtarizimin dhe prosperimin e hendbollit kosovar.
Postimi i Hazirit në facebook:
Pranimi i Federatës së Hendbollit të Kosovës me të drejta të plota si anëtarja e 50-të në Federatën Ndërkombëtare të Hendbollit (EHF) është lajm shumë i mirë për gjithë qytetarët e Kosovës. Kjo e arritur po bëhet pas një angazhimi të jashtëzakonshëm të shumë njerëzve, ndërsa meritat për këtë arritje ia atribuoj z. Mexhit Devaja, i cili dha kontribut të madh në ndërkombëtarizimin dhe prosperimin e hendbollit kosovar. Urime të gjithëve! LH