Haziri: U treguam zemërgjerë me Haradinajn

Nënkryetari i LDKsë, Lutfi Haziri thotë se LDK u votua si e dyta derisa Ramush Haradinaj u nominua si kandidat për Kryeministër i Bllokut si rezultat i zemërgjerësisë së LDKsë.

“Neve votuesit na kanë nxjerr partinë e dytë politike dhe duke qenë parti e dytë politike na kanë detyru me bo kompromise dhe me ba angazhime të tjera politike pavarësisht procesit zgjedhor që ka qenë dhe si pasojë nga ka ardh. Me vetë faktin që votuesit me verdiktin e vet ia kanë dhanë LDKsë vendin e dytë në Parlament ata e kanë determinu edhe rrugën tonë politike. Do të punojmë shumë që ta zgjidhim këtë, ta forcojmë rolin e LDKsë dhe të marrim përgjegjësi në shtet në mënyrë që të jemi korrekt edhe ndaj z. Haradinaj si i nominum me 9 dhe 10 qershor nga ana e koalicionit por ka qenë zemërgjerësia dhe kompromisi i LDKsë që e ka ba”, tha Haziri për RTV21.