Haziri takon Metën dhe Bashën, po e kthejmë vëmendjen e Prishtinës dhe Tiranës

/2L ONLINE/ – Kryetari i Komunës së Gjilanit, Lutfi Haziri, ka qëndruar për një vizitë të shkurtër dje në Tiranë, ku është pritur nga kryetari i Kuvendit të Shqipërisë, Ilir Meta dhe nga kryetari i Partisë Demokratike të Shqipërisë, Lulzim Basha.

Gjatë takimeve të ndara të kryetarit Haziri me kryeparlamentarin Meta dhe kryetarin e PD-së, Basha, është biseduar për vazhdimin e bashkëpunimit edhe në të ardhmen mes Gjilanit dhe institucioneve të shtetit shqiptar, përfshirë këtu edhe këmbim përvojash në arsim, kulturë, art etj.

Kryetari Haziri ka thënë se kjo vizitë përkthehet edhe me kthim të vëmendjes për Gjilanin nga ana e Prishtinës dhe Tiranës. /2L ONLINE/