Haziri: Shtabi për Menaxhimin e Emergjencave po e monitoron burimin e ri të infeksionit

“IKSHP-ja na njoftoi për një rast të ri të infeksionit në Gjilan me Covid-19, i cili është i njohur për ne. Shtabi për menaxhimin e emergjencave po e monitoron burimin e ri të infeksionit dhe po i ekzaminon kontaktet e personit. Ndërkohë që lajmi i mirë është se i kemi pesë raste të shëruara nga Covid-19”, ka thënë kreu i Komunës së Gjilanit, Lutfi Haziri, transmeton Portali 2LONLINE.com.

Sipas të parit të komunës, situatë ështv nën kontroll të plotë, por duhet shtuar kujdesin.

“Apeloj sërish që të keni kujdes të shtuar. Asgjë s’ka përfunduar. Mos prano dhe mos jep shërbime pa masa mbrojtëse. Plus asaj, mbaje distancën sociale. Mos dil dhe mos shko askund pa arsye të madhe”, thotë kryetari Haziri. /2LONLINE.com/