Haziri ngushëllon familjen Masurica me rastin e ndarjes nga jeta të Lulzim Masuricës

Me rastin e ndarjes nga jeta të zejtarit të njohur gjilanas, Lulzim Masurica, kryetari i Gjilanit, Lutfi Haziri, i ka dërguar një telegram ngushëllimi familjes së tij. Në telegram, thuhet:

“E nderuara familje Masurica,

Me dhembje të madhe e mora lajmin për ndarjen nga jeta të Lulzimit, zejtar i njohur i nahisë sonë.

Ai më nuk do të jetë në mesin tonë, por ne do ta kujtojmë përgjithmonë si njeriun e mirë dhe zejtarin e ndershëm, të birin e një pishtari të arsimit (Hamid Masurica) dhe nipin e një kryengritësi të madh (Hasan Masurica).

Ju shpreh ngushëllimet më të sinqerta, juve, familje e nderuar, shokëve, miqve dhe farefisit.

Lamtumirë, shoku im!”, thuhet në telegram.

***

NJOFTIMI MORTOR NGA FAMILJA

Familjarë të nderuar, miq dhe farefis i gjerë, me dhimbje e pikëllim të thellë iu njoftojmë për vdekjen e babait tonë, Lulzim Masurica, i cili vdiq sot në moshën 51 vjeçare, në Gjilan. Varrimi bëhet nesër në varrezat e qytetit të Gjilanit me drekë, ora 12:00.