Haziri ngushëllon familjen Ademi me rastin e ndarjes nga jeta të aktivistit të LDK-së, Ramadan Ademi

Kryetari i Degës së LDK-së, në Gjilan, Lutfi Haziri ngushëllon familjen Ademi me rastin e ndarjes nga jeta të aktivistit të LDK-së, Ramadan Ademi.

Me rastin e ndarjes nga jeta të aktivistit të LDK-së, Ramadan Ademi, kryetari i Degës së Lidhjes Demokratike të Kosovës në Gjilan, Lutfi Haziri, i ka dërguar një telegram ngushëllimi familjes Ademi. 

E dashur familje Ademi, 

Jam i tronditur me lajmin e kobshëm për ndarjen nga jeta të aktivistit të Lidhjes Demokratike të Kosovës në Gjilan, Ramadan Ademi. 

Danin e mposhti sëmundja në lule të rinisë, por ne do ta kujtojmë përgjithmonë si djalë shembullor, si aktivist të pandalshëm e si familjar të jashtëzakonshëm. 

Ngushëllimet më të sinqerta familjes Ademi, shokëve, miqve dhe të gjithë aktivistëve të LDK-së. Lamtumirë, vëllaçko!