Haziri: Në Ditën e Europës, pushteti maqedonas po tregon se është larg objektivave të Europës
/2L ONLINE/ – Kreu i komunës së Gjilanit Lutfi Haziri duke reaguar ndaj situatës në Kumanovë ka thënë ndër tjerash se represioni maqedonas ndaj shqiptarëve të Kumanovës së Karadakut, me ç’rast rezultoi edhe me viktima, është i papranueshëm dhe si i tillë i dënueshëm. “Pushteti maqedonas u korit pikërisht në Ditën e Europës!”, ka thënë Haziri.
Ja postim i plotë i Hazirit ne Fb.
“Në Ditën e Europës, pushteti maqedonas po tregon se është larg objektivave të Europës. Represioni maqedonas ndaj shqiptarëve të Kumanovës së Karadakut, me ç’rast rezultoi edhe me viktima, është i papranueshëm dhe si i tillë i dënueshëm. Në përputhje me gjendjen e atjeshme, kam thirrur me urgjencë Këshillin e Lartë të menaxhimit të situatës të Komunës së Gjilanit. Kam marrë veprimet institucionale për përballimin e çdo situate për t’i dalë në mbështetje dhe përkrahje popullatës shqiptare, e viktimave eventuale si pasojë e represionit të forcave maqedonase. Apeloj për qetësi dhe ndaljen e çdo forme të represionit. Pushteti maqedonas u korit pikërisht në Ditën e Europës! LH” /2L ONLINE/