Haziri: Mërgimtarët tanë janë vlerë kombëtare

(2L ONLINE) – Kreu i Komunës së Gjilanit Lutfi Haziri gjatë muajit korrik ka pritur qindra mërgimtarëshqiptarë që jetojnë në Europë, Shtetet e Bashkuara të Amerikës e gjetiu. Në mesin e mërgimtarëve, kryetari Haziri ka takuar edhe zviceran, të cilët kanë ardhur për ta vizituar Gjilanin së bashku me shqiptarët.

Kryetari Haziri gjatë këtyre takimeve i ka falënderuar qytetarët tanë që jetojnë në diasporë për kontributin e jashtëzakonshëm që kanë dhënë në zhvillimin e Gjilanit, Anamoravës dhe mbarë Kosovës.

“Komuna e Gjilanit ndihet krenare me gurbetçarët tanë që jetojnë në Europë e Amerikë e kudo në botë. Për këta dy muaj sa qëndrojnë në Gjilan, janë vlera më e madhe që ne e kemi në Komunën tonë. Falënderim përjetë për punën e madhe që e kanë bërë për zhvillimin e Komunës sonë”, ka thënë kryetari Haziri.

I pari i Komunës së Gjilanit edhe në ditët në vijim do të pres në takim në zyrën e tij bashkatdhetarë të shumtë, të cilët i kanë sjellë veç të mira Komunës së sonë gjatë disa dekadave./2L ONLINE/