Haziri: LDK angazhohet për marrjen e datës për liberalizim, partitë në qeverisje po dërgojnë sinjale negative në Bruksel

Pas samitit të suksesshëm të Sofjes, në Varshavë të Polonisë, po mbahet takimi i rregullt i asamblesë politike të Partive Popullore Evropiane, ku Kosova përfaqësohet nga nënkryetari i LDK-së, z. Lutfi Haziri.

Sundimi i ligjit, liberalizimi vizave dhe dialogu me fqinjët – mbetet fokusi kryesor i shteteve evropiane në raport me Kosovën.

Sipas Hazirit, LDK, si partia më e madhe në Kosovë dhe si lidere e opozitës, po angazhohet me tërë kapacitetet që Kosova të jetë përfituese në këta mekanizma, si dhe për marrjen e datës për liberalizim, përkundër faktit që partitë qeverisëse po dërgojnë sinjale shumë negative në Bruksel sa i përket përmbushjes së obligimeve.